អក្ខាយក

ចូឡធាតុបច្ចយជោតិកា

អក្ខាយតីតិ អក្ខាយកោ, អាបុព្វ - ខា កថនេ, កត្តរិ ល្តុណកាតិ ណកោ, អាស្សាណាបិម្ហិ យុក្ឥតិ យាគមោ. សោ ច ណកោ សាមញ្ញវិធានត្តា អរហេ សត្តិយំ សីលេ ធម្មេ សាធុការេ ច សិជ្ឈតិ. អក្ខាតុំ អរហតិ, សក្កោតិ, អក្ខានមស្ស សីលំ, ធម្មោ, អក្ខានំ សក្កច្ចំ ករោតីតិ អត្ថោ. កាលត្តយេបិ សិជ្ឈតិ, បុព្វេបិ អក្ខាសិ, អជ្ជបិ អក្ខាតិ, បច្ឆាបិ អក្ខាយិស្សតីតិ អត្ថោ. ឥត្ថិយំ អធាតុស្ស កេស្យាទិតោ ឃេស្សីតិ សុត្តេន អកស្ស អស្ស ឥត្តំ, អក្ខាយិកា ឥត្ថី. អក្ខាយកំ កុលំ. ឯវំ អក្ខាយី, សីលាភិក្ខញ្ញាវស្សកេសុ ណី. អក្ខានំ, យុបច្ចយោយំ.