អង្គណ
សទ្ទានុក្រមបាលីខ្មែរ
លាន, ព្រះលាន, ព្រះលានចេតិយព្រះលានពោធិព្រឹក្សជាដើម, កិលេស, មន្ទិលមានរាគជាដើម (ដូច មល) ។
ចូឡធាតុបច្ចយជោតិកា
តំសមង្គី សត្តា ហីនភាវំ អង្គន្តិ គច្ឆន្តិ ឯតេនាតិ អង្គណំ កិលេសោ, យថា រាគោ អង្គណន្តិ. អង្គតិ គច្ឆតិ ឯតេនាតិ វា អង្គណំ, អង្គ គតិម្ហិ, យុ. អង្គតិ គច្ឆតិ ឯត្ថាតិ អង្គណំ ចច្ចរំ. រាគាទយោ អង្គន្តិ ឯត្ថាតិ អង្គណំ, អង្គ គតិម្ហិ, យុ. អត្តនោ និស្សយំ អង្គន្តិ មត្ថេន្តីតិ អង្គណា, កិលេសា រាគទោសមោហា, អង្គ មត្ថនេ, យុ. អញ្ជតិ មក្ខេតិ អញ្ជតិ វា សម្មក្ខេតីតិ អង្គណំ មលាទិ, យថា រជស្ស វា អង្គណស្ស វា បហានាយាតិ, អញ្ជ មក្ខនេ, យុ, ញ្ជស្ស ង្គាទេសោ. អញ្ជតិ តត្ថ ឋិតំ អតិសុន្ទរតាយ អភិព្យញ្ជេតីតិ អង្គណំ វិវដោ ភូមិប្បទេសោ, យថា ចេតិយង្គណន្តិ, អញ្ជ អញ្ជនេ, យុ. អភិធម្មត្ថវិភាវិនិយា អត្ថជោនាយំ អង្គន្តិ ឯតេហិ តំសមង្គិបុគ្គលា [សត្តា] និហីនភាវំ គច្ឆន្តីតិ អង្គណា [អង្គណានិ]. តំសមង្គិបុគ្គលា តេហិ រាគាទីហិ សមន្នាគតា បុគ្គលា ឯតេហិ រាគាទីហិ និហីនភាវំ អង្គន្តិ ឥតិ តស្មា តេ រាគាទយោ អង្គណា នាម រាគទោសាទយោ, អគ គតិយំ, កត្តុករណប្បទេសេសុ ចាតិ ករណេ យុ, អនកា យុណ្វូនំ, រហាទិតោ ណ, នយេ, តេសុ វុឌ្ឍ្យាទិនិគ្គហិតាគមោ, វគ្គន្តំ វា វគ្គេ, យោ, សព្វយោនីនមាឯ, បុព្វមធោ, សរលោបោ, នយេតិ វិគ្គហោ ធាតុបច្ចយវិភាគោ ច កតោ. អង្គណសទ្ទោ ភូមិភាគេ កិលេសេ មលេ បង្កេ ច វត្តតិ. កិញ្ច ភិយ្យោ– មូលបណ្ណាសអដ្ឋកថាយំ វុត្តំ អង្គណន្តិ តត្ថ ជាតកំ តិលកំ វា បិឡកំ វាតិ. សទ្ទនីតិធាតុមាលាយំ សង្គហគាថា វុត្តា ឥច្ចេវំ រាគាទីសុ កិលេសេសុ, បង្កេ កាយមលម្ហិ ច វិវដេ ភូមិភាគេ ច, អង្គណន្តិ រវោ គតោតិ.