អជ្ជវ

ចូឡធាតុបច្ចយជោតិកា

ឧជុនោ ភាវោ អជ្ជវំ, អជិម្ហតា អកុដិលតា អវង្កតាតិ អត្ថោ, ណ វិសមាទីហិ, ណម្ហិ ឧស្សាត្តំ, ទ្វិភាវោ, ក្វចាទិត្យាទិនា សំយោគេ អាទិរស្សត្តញ្ច. សទ្ទនីតិសុត្តមាលាយំ ឧជុនោ ភាវោ អាជ្ជវន្តិ ច ឥទំ អក្ខរចិន្តកានំ រុចិវសេន វុត្តំ. សោគតមតវសេន បន ឧជុនោ ភាវោ អជ្ជវោតិ អាការោ រស្សត្ត- មាបជ្ជតិ, សោ ច សទ្ទបុល្លិង្គត្តំ យេភុយ្យេន, គារវោ ច និវាតោ ចាតិ ឯត្ថ គារវសទ្ទោ វិយ. តថា ហិ អជ្ជវោ ច មទ្ទវោ ចាតិ បាឡិ ទិស្សតិ, អប្បកវសេន បន អជ្ជវំ គារវំ មទ្ទវន្តិ យត្ថ កត្ថចិ ទិស្សតីតិ វុត្តំ.