អជ្ឈាយក

ចូឡធាតុបច្ចយជោតិកា

ន ឈាយតីតិ អជ្ឈាយកោ, ឈានភាវនាវិរហិតោតិ អត្ថោ, នបុព្វ - ឈេ ចិន្តាយំ, ណ្វុ. មន្តំ អជ្ឈាយតីតិ អជ្ឈាយកោ, អធិបុព្វ - ឥ អជ្ឈាយនេ, ណ្វុ. អជ្ឈាយំ ករោតីតិ អជ្ឈាយកោ សិក្ខកោ, អជ្ឈាយសទ្ទូបបទ - ករ ករណេ, ក្វិ, រលោបោ. សទ្ទនីតិធាតុមាលាយំ អជ្ឈាយកោតិ ឥទំ ន ទានិមេ ឈាយន្តិ, ន ទានិមេ ឈាយន្តីតិ ខោ វាសេដ្ឋ អជ្ឈាយកា អជ្ឈាយកាតេ្វវ តតិយំ អក្ខរំ ឧបនិព្វត្តន្តិ ឯវំ បឋមកប្បិកកាលេ ឈាន- វិរហិតានំ ព្រាហ្មណានំ គរហវចនំ ឧប្បន្នំ, ឥទានិ បន តំ អជ្ឈាយតីតិ អជ្ឈាយកោ, [អជ្ឈយតីតិ វា អជ្ឈាយកោ, ឥ អជ្ឈយនេ.] មន្តេ បរិវត្តេតីតិ ឥមិនា អត្ថេន បសំសាវចនំ កត្វា វោហរន្តីតិ, អយំ បនត្ថោ អធិបុព្វស្ស ឥ អជ្ឈាយនេតិ ធាតុស្ស វសេន គហេតព្វោ, ឯវំ អធិបុព្វស្ស ឥធាតុស្ស វសេន ឥមស្ស ធាតុស្ស អត្ថបរិវត្តនំ ភវតិ, យំ សន្ធាយ អជ្ឈាយកោ មន្តធរោតិ វុត្តន្តិ កថិតំ.