អញ្ជលិ

ចូឡធាតុបច្ចយជោតិកា

អញ្ជេតិ ភត្តិមនេន បកាសេតីតិ អញ្ជលិ ករបុដោ, អញ្ជ ព្យត្តិមក្ខនគតិកន្តីសុ, អញ្ជាលីតិ មោគ្គល្លានសុត្តេន អលិបច្ចយោ. ឯកតោ សម្ពន្ធនត្ថំ អញ្ជតិ គច្ឆតីតិ អញ្ជលិ, អញ្ជ គតិយំ, អលិ. ព្យត្តំ អនេន អញ្ជតិ បកាសេតីតិ អញ្ជលិ, អញ្ជ បកាសនេ, អលិ. អា ភុសោ ជលតិ ជោតេតីតិ អាជលិ, សោយេវ អញ្ជលិ និគ្គហីតាគមោ, តស្ស ញត្តំ, រស្សោ. អញ្ជលិសទ្ទោ ឥការន្តោ បុល្លិង្គោ, មង្គលត្ថទីបនិយំ បន វិសុទ្ធិមគ្គមហាដីកាយញ្ច និព្វចនេ បទំ ឥត្ថិលិង្គំ ហុត្វា វិយ ទិស្សតិ.