អតិវិសារិណី

ចូឡធាតុបច្ចយជោតិកា

អតិវិយ អត្ថំ វិសារេតិ វិត្ថារេតីតិ អតិវិសារណី. អតិវិយ វា វិសារីយតិ អត្ថោ វិត្ថារីយតិ ឯតាយាតិ អតិវិសារណី, អតិ វិ- សរធាតុ, ណី, ថិយំ ឥនី. អតិវិយ វិសារិយតព្វាតិ អតិវិសារណី, យា កថា មយា អតិវិយ វិសារយិតព្វា ឥតិ តស្មា សា កថា អតិវិសារណី, អតិវិសារិណី វាតិ អត្ថយោជនា, អតិបុព្វ - សរ វិសរណេ, កត្តុករណប្បទេសេសុ ចាតិ យុ, អនកា យុណ្វូនំ. នទាទិតោ វា ឦ, បរបទេ តេស វុទ្ធីតិអាទិនា អការស្ស ឥត្តំ, ក្វចាទិ-ត្យាទិនា ទីឃត្តំ. ឥតោ ចិតោ ច សរតិ គច្ឆតីតិ វិសារណី. វិវិធេន វា អាការេន សរតិ គច្ឆតិ បវត្តតីតិ វិសារណី, វិបុព្វ - សរ គតិយំ, យុ, ថិយំ ឦ. អតិវិយ វិសារណី អតិវិសារណី.