អព្យគ្គមនស

ចូឡធាតុបច្ចយជោតិកា

នានារម្មណេ បរិព្ភមនេន វិវិធំ អគ្គំ អារម្មណំ យស្សាតិ ព្យគ្គោ, វិក្ខេបោ, ពាហិរត្ថសមាសោ, ន ព្យគ្គោ អព្យគ្គោ, សមាធិ. មិស្សកតប្បុរិសសមាសោ. អព្យគ្គោ មនោ យស្ស សោយំ អព្យគ្គមនសោ, ពាហិរត្ថសមាសោ. ឥធ បន ញាសេ [សស្ស ចោ] ចគ្គហណេន អព្យគ្គមនសោ នរោត្យាទីសុ មនសទ្ទតោ សិវចនស្សោការាទេសោ ហោតីតិ វុត្តំ. និរុត្តិទីបនិយំ យទា បន សមាសន្តេ មហាវុត្តិនា ស្យាទីសុ វិភត្តីសុ សាគមោ ហោតិ តទា បុរិសាទិគណោបិ ហោតីតិ វុត្តំ. សទ្ទនីតិយំ មនោគណតោ សរេ សាគមោតិ មនោគណតោ វិត្តាទេសេ វា បច្ចយេ វា សរេ បរេ សការាគមោ ហោតិ វាតិ តថេវ វុត្តំ, បទរូបសិទ្ធិមហានិស្សយេ បន មនោយេវ មានសំ, អព្យគ្គំ មានសំ យស្សាតិ អព្យគ្គមានសោតិ រូបេន ភវិតព្វន្តិ វុត្តំ.