អភិភូ

ចូឡធាតុបច្ចយជោតិកា

អភិភវិត្វា ភវតីតិ អភិភូ អសញ្ញសត្តោ, អភិភុំ អភិភុតោ មញ្ញតីតិ ឥទមេត្ថ សាធកំ វចនំ. កិំ សោ អភិភវិ? ចត្តារោ ខន្ធេ អរូបិនោ. អថវា អភិភវតីតិ អភិភូ, បរេសមភិភវិតា យោ កោចិ, នាមបញ្ញត្តិយំ វា សិខីសម្មាសម្ពុទ្ធស្ស សាវកភូតោ ភិក្ខុ, វិសេសតោ បន តថាគតោយេវ អភិភូ, វុត្តញ្ហេតំ ភគវតា តថាគតោ ភិក្ខវេ អភិភូ អនភិភូតោ អញ្ញទត្ថុទសោ វសវត្តីតិ, កេចិ បន អភិភូ នាម សហស្សោ ព្រហ្មាតិ វទន្តិ. អភិបុព្វ - ភូធាតុ, ក្វិ. បរេ អភិភវតិ គុណេន អជ្ឈោត្ថរតិ អធិកោ ភវតីតិ អភិភូ.