អភិវន្ទិយ

ចូឡធាតុបច្ចយជោតិកា

អភិវន្ទិត្វា អភិវន្ទិយ, អភិ សក្កច្ចំ អាទរេន វន្ទិត្វាតិ អត្ថោ, វន្ទ វន្ទនេ, វទិធាតុ វា, រុធាទិគណេ និគ្គហិតំ, ត្វាបច្ចយោ, ឥអាគមោ, សព្វេហិ តុនាទីនំ យោ. ត្វាបច្ចយោ ច បុព្វាបរសមានហេតុលក្ខណវសេន បញ្ចសុ អត្ថេសុ វត្តតិ. តត្ថ កម្មំ កត្វាន គច្ឆតីត្យាទីសុ បុព្វកាលេ បវត្តតិ. ទិវារំ អបិធាយ និក្ខមីត្យាទីសុ អបរកាលេ. ទណ្ឌោ ធក្កច្ច បតតីត្យាទីសុ សមានកាលេ. សប្បិំ បិត្វា ពលំ ហោតីត្យាទីសុ ហេតុម្ហិ. បុច្ឆ សុត្វា ជានិស្សាមាត្យាទីសុ លក្ខណេ. វុត្តញ្ច បុព្វាបរេ សមានេ ច, ត្វាទិ ហេតុម្ហិ លក្ខណេ កម្មំ កត្វាន គច្ឆតិ, ទ្វារំ បិធាយ និក្ខមិ ទណ្ឌោ បតតិ ធក្កច្ច, សប្បិំ បិត្វា ពលំ ភវេ បុច្ឆ សុត្វា ជានិស្សាម, ឥទំ និទស្សនំ កមាតិ.