អម្ភ

ចូឡធាតុបច្ចយជោតិកា

អម្ភតិ សទ្ទំ ករោតីតិ អម្ភោ ឧទកំ, តញ្ហិ និជ្ជីវម្បិ សមានំ ឱឃកាលាទីសុ វិស្សន្ទមានំ អម្ភតិ សទ្ទំ ករោតីតិ អម្ភោតិ វុច្ចតិ, ឥមានិស្ស នាមានិ. បានីយំ ឧទកំ តោយំ, ជលំ បាតោ ច អម្ពុ ច ទកំ កំ សលិសំ វារិ, អាបោ អម្ភោ បបម្បិ ច នីរញ្ច កេបុកំ បានិ, អមតំ ឯលមេវ ច អាបោនាមានិ ឯតានិ, អាគតានិ តតោ តតោ - ឯត្ថ ច វាលគ្គេសុ ច កេបុកេ, បិវិតញ្ច តេសំ ភុសំ ហោតិ បានីតិអាទយោ បយោគា ទស្សេតព្វា, អម្ភ អភិ វា សទ្ទេ, អ. អម្ភតិ គច្ឆតីតិ អម្ភោ អព្ភោ វា បាសាណោ, អម្ភ គតិយំ, អ. អម្ភោ ឯកវចនបុថុវចនវសេន បុរិសានំ អាមន្តនេ.