អរហ
សទ្ទានុក្រមបាលីខ្មែរ
អ្នកឆ្ងាយចាកកិលេស, អ្នកគួរដើម្បីទទួលបូជាវិសេស (ព្រះអរហន្ត) ។
បទានុក្រមធម្មបទ
អ្នកឆ្ងាយចាកកិលេស, អ្នកគួរដើម្បីទទួលនូវបូជាវិសេស (ព្រះអរហន្ត) ។
ចូឡធាតុបច្ចយជោតិកា
កិលេសា ឯវ អរយោតិ កិលេសារយោ, កិលេសារយោ ហន្តីតិ អរហា, អរិសទ្ទូបបទ - ហន ហិំសាយំ, ក្វិ, ឥស្ស អត្តំ. អគ្គទក្ខិណេយ្យត្តា ចីវរាទិបច្ចយេ បូជាវិសេសំ ច អរហតីតិ អរហំ, អរហ បូជាយំ, អ. សំសារចក្កស្ស អរេ ហនតីតិ អរហំ, អរសទ្ទូបបទ - ហន ហិំសាយំ, ណោ, ហនស្ស ហោ. សប្បុរិសេហិ ន រហិតព្វោ ន បរិច្ចជិតព្វោតិ អរហំ, នបុព្វ - រហ ចាគេ, អនតោ. អរហិយតេតិ អរហំ អរហា, អរហ យោគ្យច្យនេ, អ. អរហិតព្វោ បូជេតព្វោតិ អរហំ អរហា, អរហ បូជាយំ, អន្តោ. អត្តហិតំ បរហិតញ្ច បរិបូរេតុំ សម្មាបដិបជ្ជន្តេហិ សាធូហិ ទូរតោ រហិតព្វា បរិច្ចជិតព្វា បរិហាតព្វាតិ រហា រាគាទយោ បាបធម្មា, ន សន្តិ ឯតស្ស រហាតិ អរហំ អរហោតិ វត្តព្វេ ឱការស្ស សានុស្សរំ អការាទេសំ កត្វា អរហំ. រហិយតេ រហោ, រហិ គតិយំ, អ. រហោតិ គមនំ វុច្ចតិ, នត្ថិ ឯតស្ស រហោ គមនំ គតីសុ បច្ចាជាតីតិ អរហំ អរហា. វិត្ថារោ សារត្ថទីបនីដីកាយំ វេរញ្ជកណ្ឌវណ្ណាយំ ឱលោកេតព្វោ. អយញ្ចេត្ថ អរហំអរហាសទ្ទានំ វិសេសោ:- អរហំសទ្ទោ គុណវាចកោ អរហំ សម្មាសម្ពុទ្ធោ, អរហំ សុគតោតិអាទីសុ. អរហាសទ្ទោ បន បណ្ណត្តិវាចកោ អហញ្ហិ អរហា លោកេ, ឯកោ អរហាតិអាទីសុ. អគ្គទក្ខិណេយ្យភាវេន បូជាវិសេសំ អរហតីតិ អរហា, អរហ អរហេ, អ. អរហោតិ វត្តព្វេ ស្យាទិគណត្តា អរហាតិ វុត្តំ, និបាតនសុត្តេន វា សិលោបំ អការស្ស ច ទីឃំ កត្វា សិទ្ធំ. កិលេសេហិ អារកាតិ អរហា [អរហំ វា]. អារកាតិ វត្តព្វេ និបាតនសុត្តេន អាការស្ស អការត្តំ, កការស្ស ច ហការត្តំ [សានុស្សំ] កត្វា ឯវំ សិទ្ធំ. អថ វា កិលេសសង្ខាតា អរយោ សំសារចក្កស្ស វា អរា កិលេសា ហតា អនេនាតិ អរហា. បាបករណេ រហាភាវតោ វា អរហា, អដ្ឋមកោ អរិយបុគ្គលោ. ឥមានិ និព្វចនានិ អរហ អនុច្ឆវិកេ, អរិសទ្ទូបបទ - ហន ហិំសាយំ, អរសទ្ទូបបទ - ហន ហិំសាយំ, នបុព្វ - រហ វិវេកេតិ ឥមេសំ ធាតូនំ វសេន វុត្តានិ. អរហសទ្ទបវត្តិ អក្ខរចិន្តកេហិ នានប្បការេហិ វណ្ណិតា. តថា ហិ វុត្តំ សទ្ទនីតិធាតុមាលាយំ អរហធាតុតោ ញេយ្យា, អរហំសទ្ទសណឋិតិ អរារូបបទហន-, ធាតុតោ វាថវា បន រហតោ រហិតោ ចាបិ, អការបុព្វតោ ឥធ វុច្ចតេ អស្ស និប្ផត្តិ, អារកាទិរវស្សិតាតិ ឯត្ថ ច គន្ថវិត្ថារភយេន ន វទាម, អត្ថិកេហិ វិត្ថារោ តត្ថ ឱលោកេតព្វោ.