អរិយានិ

ចូឡធាតុបច្ចយជោតិកា

ពុទ្ធាទីហិ អរិយន្តិ ញាយន្តីតិ អរិយានិ, អរ ញាណេ, ណ្យោ, ឥអាគមោ. នត្ថិ រិយោ ឯតេសន្តិ វា អរិយានិ. អរយោ ហរន្តីតិ វា អរិយានិ, តទ្ធិតមិទំ. អរិយករានីតិ វា អរិយានិ, អរិយសច្ចានិ, ឧត្តរបទលោបោ. ឯត្ថ ច វិគ្គហោ អយំ– អរិយានិ ច តានិ សច្ចានិ ចាតិ អរិយសច្ចានិ. អរិយេហិ ពុជ្ឈិតព្វានិ សច្ចានីតិ វា អរិយសច្ចានិ. អរិយេន សម្មាសម្ពុទ្ធេន ទេសិតត្តា អរិយស្ស សម្មាសម្ពុទ្ធស្ស សច្ចានីតិ វា អរិយសច្ចានិ. វិត្ថារោ វិសុទ្ធិមគ្គអដ្ឋកថាដីកាទីសុ ឱលោកេតព្វោ.