អលីនមន

ចូឡធាតុបច្ចយជោតិកា

អលីនោ មនោ យស្ស សោយំ អលីនមនោ, អលីនជ្ឈាសយោ. អលិនមនសោតិបិ បាឋោ, សការាគមោ. សទ្ទនីតិសុត្តមាលាយំ វុត្តំ យត្ថ ហិ សមាសវសេន មនសទ្ទោ ចេតសទ្ទាទយោ ច សកត្ថេ អវត្តិត្វា អញ្ញត្ថេ វត្តន្តិ, តត្ថ សការាគមានំ បទានំ នាមិកបទមាលា បុរិសនយេន ច មនោគណេ មននយេន ច យថារហំ លព្ភតិ. និស្សការាគមានំ បន បុរិសនយេនេវ លព្ភតិ. យត្ថ បន សមាសវិសយេយេវ មនាទិសទ្ទា សកត្ថេ វត្តន្តិ, តត្ថ និស្សការាគមានំ នាមិកបទមាលា បុរិសនយេន ច មនោគណេ មននយេន ច លព្ភតីតិ. វិត្ថារោ តតោ គហេតព្វោ.