អស្សាស
សទ្ទានុក្រមបាលីខ្មែរ
ខ្យល់ដកដង្ហើមចេញ (ដូច អានំ) ។
ចូឡធាតុបច្ចយជោតិកា
អា បុនប្បុនំ សសន្តិ ឯតេនាតិ អស្សាសោ, អាបុព្វ – សស បាណនេ, ណោ. សសតិ ជីវតិ អនេន វាតេន សត្តោតិ សាសោ, អាទិម្ហិ បវត្តោ សាសោ អស្សាសោ អានំ, ក្វចាទិមជ្ឈុត្តរា- នន្តិអាទិនា អាទិរស្សោ. អស្សាសោតិ ពហិ និក្ខមនវាតោ, បស្សាសោតិ អន្តោ បវិសនវាតោតិ វិនយដ្ឋកថាយំ វុត្តំ. សុត្តន្តដ្ឋកថាសុ បន ឧប្បដិបាដិយា អាគតំ, តត្ថ យស្មា សព្វេសម្បិ គព្ភសេយ្យកានំ មាតុកុច្ឆិតោ និក្ខមនកាលេ បឋមំ អព្ភន្តរវាតោ ពហិ និក្ខមតិ, បច្ឆា ពាហិរវាតោ សុខុមំ រជំ គហេត្វា អព្ភន្តរំ បវិសន្តោ តាលុំ អាហច្ច និព្វាយតិ, តស្មា វិនយដ្ឋកថាយំ ‘អស្សាសោតិ ពហិ និក្ខមនវាតោ, បស្សាសោតិ អន្តោ បវិសនវាតោតិ វុត្តំ, ឯតេសុ ទ្វីសុ នយេសុ វិនយនយេន អន្តោ ឧដ្ឋិតសសនំ អស្សាសោ, ពហិ ឧដ្ឋិតសសនំ បស្សាសោ, សុត្តន្តនយេន បន ពហិ ឧដ្ឋហិត្វាបិ អន្តោ សសនតោ អស្សាសោ, អន្តោ ឧដ្ឋហិត្វាបិ ពហិ សសនតោ បស្សាសោ, អយមេវ ច នយោ ‘អស្សាសាទិមជ្ឈបរិយោសានំ សតិយា អនុគច្ឆតោ អជ្ឈត្តំ វិក្ខេបគតេន ចិត្តេន កាយោបិ ចិត្តម្បិ សារទ្ធា ច ហោន្តិ ឥញ្ជិតា ច ផន្ទិតា ចាតិ, ‘បស្សាសាទិមជ្ឈបរិយោសានំ សតិយា អនុគច្ឆតោ ពហិទ្ធា វិក្ខេបគតេន ចិត្តេន កាយោបិ ចិត្តម្បិ សារទ្ធា ច ហោន្តិ ឥញ្ជិតា ច ផន្ទិតា ចាតិ ឥមាយ បាឡិយា សមេតីតិ វេទិតព្វំ.