អាតំក

ចូឡធាតុបច្ចយជោតិកា

អា ភុសោ តំកតីតិ អាតំកោ អាតង្កោ អាមយោ, សន្តាបោ, អាបុព្វ - តកិ កិច្ឆជីវនេ, អ, និគ្គហីតាគមោ. អាតង្កតីតិ អាតង្កោ, អាបុព្វ - តកិ កិច្ឆជីវនេ, ណោ, អង្តង្កោតិ កិច្ឆជីវិតករោ រោគោ, តថា ហិ អដ្ឋកថាចរិយា ‘អប្បាពាធំ អប្បាតង្កន្តិ ឥមស្មិំ បាឡិប្បទេសេ ឥតិ អត្ថំ សំវណ្ណេសុំ ‘អាពាធោតិ វិសភាគវេទនា វុច្ចតិ, យា ឯកទេសេ ឧប្បជ្ជិត្វា សកលសរីរំ អយបដ្ដេន ពន្ធិត្វា វិយ គណ្ហាតិ, អាតង្កោតិ កិច្ឆជីវិតករោ រោគោ, អថ វា ‘យាបេតព្វរោគោ អាតង្កោ, ឥតរោ អាពាធោ ខុទ្ទកោ វា រោគោ អាតង្កោ, ពលវា អាពាធោ, កេចិ បន អជ្ឈត្តសមុដ្ឋានោ អាពាធោ, ពហិទ្ធាសមុដ្ឋានោ អាតង្កោតិ វទន្តីតិ.