អាសិវិស

ចូឡធាតុបច្ចយជោតិកា

អាសិំ សីឃំ វិសំ ឯតស្សាតិ អាសិវិសោ, អាសីយំ ទាឋាយំ វិសំ ឯតស្សាតិ អាសិវិសោ, រស្សោ. ធម្មបទមហាដីកាយំ ‘អាសិវិសោតិ អាសិត្តវិសោតិ អាសិវិសោ. អសិតវិសោតិ អាសិវិសោ. អសិសទិសវិសោតិ អាសិវិសោ. សីឃវិសោតិ អាសិវិសោ. អសិតវិសោ កាឡវិសោតិ អាសិវិសោ. តត្ថ អាសិត្តវិសោតិ សកលសរីរេ អាសិញ្ចិត្វា វិយ ឋិបិតវិសោ, បរស្ស ច អត្តនោ ច សរីរេ អាសិញ្ចនវិសោតិ អត្ថោ. អសិតវិសោតិ យំ យំ ឯតេហិ អាសិតំ ហោតិ បរិភុត្តំ. តំ តំ វិសមេវ សម្បជ្ជតិ. តស្មា អសិតំ វិសំ ហោតិ ឯតស្សាតិ អាសិវិសោ. អសិសទិសវិសោតិ អសិ វិយ ខគ្គំ វិយ តិខិណំ ឆេទនសមត្ថំ វិសំ ឯតស្សាតិ អាសិវិសោ. សីឃវិសោតិ អាសុំ សីឃំ វិសំ ឯតស្សាតិ អាសិវិសោ. អសិតវិសោតិ អសិតំ កាឡំ វិសំ ឯតស្សាតិ អាសិវិសោ. តេហិ ទដ្ឋំ សព្វំ កាយគតំ លោហិតំ អសិតំ កាឡំ ហោតីតិ វុត្តំ.