ឥតិហាស
សទ្ទានុក្រមបាលីខ្មែរ
ឈ្មោះគម្ពីរមួយនិយាយខាងក្រៅពុទ្ធសាសនាមានចម្បាំងស្ដេចភារតជាដើម ។ ប្រវត្តិសាស្ត្រ ។
ចូឡធាតុបច្ចយជោតិកា
ឥតិហោ អត្ថិ អស្មិន្តិ ឥតិហាសោ, ឥតិហសទ្ទូបបទ - អស ភុវិ, អ. ឥតិហាសសទ្ទោ បារម្បរិយោបទេសេ និបាតោតិបិ វទន្តិ. និរុត្តិ- ទីបនិយំ ឯវំ បោរាណា អាហំសុ វា, ឯវំ បុរេ អាសិំសុ វាតិ ឯវំ បវត្តំ វិធានំ ឯត្ថ អត្ថីតិ ឥតិហាសោ បុរាណគន្ថោតិ វុត្តំ. សទ្ទនីតិសុត្តមាលាយំ បន វុត្តំ សញ្ញិច្ឆាយំ សតិ អាខ្យាតបទំ នាមិកបទំ ភវតិ, ‘អាខ្យាតន្តិ នាមំ បនស្ស អន្តរធាយតិ, លទ្ធូបសម្បទស្ស ភិក្ខុនោ សាមណេរភាវោ វិយាតិ នាមព្យបទេសោ, សេយ្យថិទំ? អញ្ញាសិ វត ភោ កោណ្ឌញ្ញោ, អញ្ញាសិ វត ភោ កោណ្ឌញ្ញោតិ សត្ថុ ឧទានំ បដិច្ចុប្បន្នំ អាយស្មតោ កោណ្ឌញ្ញស្ស អញ្ញាសិកោណ្ឌញ្ញោតិ នាមំ, ឯត្ថ ហិ អាខ្យាតភាវោ អន្តរធាយតិ, តថា មា ខលិ, មា ខលីតិ វចនំ បដិច្ចុប្បន្នំ គោសាលស្ស តិត្ថិយស្ស នាមំ, ឯត្ថាបិ អាខ្យាតភាវោ អន្តរធាយតិ, តេន មក្ខលិំ គោសាលំ, មក្ខលិនា គោសាលេនាតិ អាទិនា វោហារោ បវត្តតិ, តថា ‘ឥតិហ អាស, ឥតិហ អាសាតិ ឯវំ បវត្តំ វចនមុបាទាយ បុរាណកថា ឥតិហាសន្តិ វុច្ចតិ, ឯត្ថាបិ អាខ្យាតត្តំ វិគច្ឆតិ, តេនេវ នាមិកា វិភត្តិ លព្ភតិ ‘លក្ខណេ ឥតិហាសេ ចាតិអាទីសូតិ.