ឥន្ទ្រិយ
បទានុក្រមធម្មបទ
(ធម្មជាត) ធ្វើនូវភាពនៃខ្លួនជាធំក្រៃលែង (ឥន្ទ្រិយ); វិ. ឥទ្ទតិ បរមិស្សរិយំ ករោតីតិ>ឥន្ទ្រិយ ។
ចូឡធាតុបច្ចយជោតិកា
ឥន្ទតិ បរមិស្សរិយំ ករោតីតិ ឥន្ទ្រិយំ, ឥន្ទ បរមិស្សរិយេ, ឥយោ. ឥន្ទតិ បរមិស្សរិយំ ករោតីតិ ឥន្ទ្រិយំ, ឥទិ, បរមិស្សរិយេ ណ្យោ, ទ្យស្ស ទោ្រ, ពិន្ទ្វាគមោ. ឥន្ទតីតិ ឥន្ទោ្រ, ឥន្ទ ឥស្សរិយេ, អ, ទស្ស ទោ្រ, ឥន្ទ្រស្ស ភាវោ ឥន្ទ្រិយំ, ឥន្ទតោ លិង្គសិដ្ឋេ ទសិតទិដ្ឋជុដ្ឋិស្សរិយត្ថេ ចាតិ សទ្ទនីតិសុត្តេន ណិយោ, ទការស្ស ទ្រត្តំ, ឥន្ទិយន្តិ បន បទំ សក្កត្តញ្ញេវ វទតិ. អត្តវសំ វត្តាបនវសេន ឦសតិ អតិវត្តតីតិ ឥន្ទ្រិយំ, ឦស អតិវត្តនេ, ណ្យោ. សយំ តិក្ខមន្ទាទិភាវេ ចក្ខុវិញ្ញាណាទីនំ តិក្ខមន្ទាទិ- ភាវសម្ភវតោ តេសុ ឥន្ទតិ បរមិស្សរិយំ ករោតីតិ ឥន្ទ្រិយំ, ឥទិ បរមិស្សរិយំ, ទោ, ធាត្វន្តស្ស នោ. ឥន្ទតីតិ ឥន្ទ្រិយំ, ឥន្ទសទ្ទតោ ណិយោ. ឥន្ទដ្ឋំ ករោតីតិ ឥន្ទ្រិយំ, ឥន្ទសទ្ទូបបទ - ករ ករណេ, ណ្យោ, កលោបោ, ឥអាគមោ. ឥន្ទដ្ឋំ ការេតីតិ ឥន្ទិយំ ឥន្ទ្រិយំ, ឥន្ទដ្ឋំ ការេតិ មមន្តរេន តុម្ហាកំ ជីវនំ នត្ថិ មយា ជីវតាតិ វិយ អត្តានំ អនុវត្តេតិ សម្បយុត្តធម្មេតិ ឥន្ទ្រិយំ, តទ្ធិតវិគ្គហោ, យទាទិនា ឥយោ, ឥន្ទសទ្ទេ អការស្ស រោ. ឦសតិ ចក្ខុវិញ្ញាណាទីនិ អត្តនោ វសេ វត្តាបនវសេន អភិភវតីតិ ឦសិយំ, ឦស អភិភវនេ, កត្តរិ ណ្យបច្ចយោ, និរុត្តិនយេន បន ឥន្ទ្រិយន្តិ វុត្តន្តិ ទដ្ឋព្វំ. សម្មោហវិនោទនិយំ វិត្ថារោ ឱលោកេតព្វោ.