ឧ

សទ្ទានុក្រមបាលីខ្មែរ

ជាឧបសគ្គប្រព្រឹត្តទៅក្នុងអត្ថគឺ ឧទ្ធង្គម ឡើងលើ ឧ. អាសនា ឧដ្ឋិតោ ជនក្រោកចាកអាសន, វិយោគ ប្រាស ឧ. ឧដ្ឋាបិតោ អ្នកដែលគេឲ្យក្រោកចេញហើយ, អត្តលាភ ការបាននៅខ្លួន ឧ. ឧប្បន្នំ ញាណំ ញាណកើតឡើងហើយ, តិត្តិ ឆ្អែត ឧ. ឧតិត្តោ ឆ្អែតហើយ, សមិទ្ធិ សម្រេច ឧ. ឱសារេតិ សម្រេច, បាតុភាវ ប្រាកដ, អច្ចយាភាវ មិនមានទោស, បពលត្ត កម្លាំងខ្លាំង ឧ. ឧស្សោឡ្ហី ព្យាយាមធំ, បកាសន ប្រកាស, ទក្ខតា ឆ្លាស, អគ្គតា ប្រសើរ ឧ. ឧត្តមោ ខ្ពង់ខ្ពស់, កថន ពោល ឧ. ឧទិរណំ ការពោល, ឧទិរិតំ ពោល, សត្តិ អាច ឧ. ឧស្សហតិ ជនអាច, មោក្ខ ការរួច ឧ. តេសំ វូបសមោ សុខោ ការរម្ងាប់នៅសង្ខាទាំងនោះនាំមកនៅសេចក្ដីសុខ ។