ឧបរិ
សទ្ទានុក្រមបាលីខ្មែរ
និបាត ប្រាប់អត្ថគឺខាងលើប្រែថាក្នុងខាងលើ, ជាន់លើ, ឰដ៏ខាងលើ, ឧទ្ធំ ក៏ជាឧទ្ធត្ថវាចកដែរ ។ -ឧម្មារ បុំ. ធរណីក្នុងខាងលើ, ខាងលើនៃធរណី ។ -តីរ នបុំ. ឆ្នេរ (ត្រើយ, ច្រាំង) ក្នុងខាងលើ, ខាងលើនៃឆ្នេរ ។ -ប្បាសាទ បុំ. ប្រាសាទជាន់លើ, ខាងលើនៃប្រាសាទ ។ -ប្បាសាទតល នបុំ. ផ្ទៃនៃប្រាសាទជាន់លើ ។ -ទេវលោកសម្បាបក គុ. ដែលញ៉ាំងសត្វឱ្យដល់ព្រមនូវទេវលោកជាន់លើ ។ -ពន្ធវិចិត្រវិតាន នបុំ. ពិតានដ៏វិចិត្រដែលបុគ្គលចងឰដ៏ខាងលើ ។ -ភូមិ ឥ. ផែនដីក្នុងខាងលើ, ខាងលើនៃផែនដី, ជាន់លើ ។ -មគ្គត្តយកិច្ច នបុំ. កិច្ចដោយប្រជុំនៃបីនៃមគ្គក្នុងខាងលើ ។ -មគ្គវស បុំ. អំណាចនៃមគ្គក្នុងខាងលើ ។ -វិសេស បុំ. គុណវិសេសក្នុងខាងលើ ។ -មត្ថក បុំ. ទីបំផុតខាងលើ ។ -សីស នបុំ. ក្បាលក្នុងខាងលើ, ខាងលើនៃក្បាល ។
បទានុក្រមធម្មបទ
(ចុះក្នុងអត្ថនៃសេត្តមី) ក្នុងខាងលើ, ជាន់លើ, ឰដ៏ខាងលើ ។