ឯវំ
សទ្ទានុក្រមបាលីខ្មែរ
បដិភាគត្ថវាចកនិបាត ប្រាប់អត្ថគឺប្រៀបធៀបប្រែថា មានឧបមាយ៉ាងនោះ, យថា, តថា, យថេវ, យថានាម, តថាហិ, សេយ្យថាបិ, ឯវមេវំ, វា, តថេវ, យថាបិ, ឯវំបិ, សេយ្យថាបិនាម, យថរិវ, យថាច, វិយ, តថរិវ ក៏ជាបដិភាគត្ថវាចកដែរ, មួយទៀត ឯវំ ជាសម្បដិច្ឆនត្ថវាចកនិបាត ប្រាប់អត្ថគឺការទទួលប្រែថា អើ, អាម, សាហុ, លហុ, ឱបាយិកំបតិរូបំ, សាធុ ក៏ជាសម្បដិច្ឆនត្ថវាចកដែរ, មួយវិញទៀត ឯវំ ជានិទស្សនត្ថវាចកនិបាត ប្រាប់អត្ថគឺសំដែងប្រែថា យ៉ាងនេះ, ឥតិ, ឥតំ្ថ ក៏ជានិទស្សនត្ថវាចកដែរ, ម្យ៉ាងទៀត ឯវំ ប្រព្រឹត្តទៅក្នុងអត្ថគឺនិស្សនការសំដែងប្រែថា យ៉ាងនេះ ឧ. ឯវំ បិ តេ មនោ, ឯហិ ត្វំ មាណវក យេន សមណោ អានន្ទោ តេនុបសង្កមតុ អនុកម្បំ ឧបាទាយ ចិត្តរបស់អ្នកក៏យ៉ាងនេះ, ម្នាលមាណពអ្នកចូលមកព្រះអានន្ទជាសមណគង់នៅក្នុងទីឯណាអ្នកចូលៗទៅក្នុងទីនោះអាស្រ័យសេចក្ដីអនុគ្រោះ, អាការប្រែថា ដោយការដូច្នេះ ឧ. ឯវំ ព្យាខោ អហំភន្តេ ភគវតា ធម្មំ ទេសិតំ អាជានាមិ បពិត្រព្រះអង្គដ៏ចំរើនខ្ញុំព្រះអង្គដឹងច្បាស់នូវធម៌ដែលព្រះដ៏មានព្រះភាគសំដែងហើយដោយប្រការដូច្នេះឯង, ឧបមាប្រែថា ដូច្នោះ ឧ. ឯវំ ជាតេន មច្ឆេន កត្តព្វំ កុសលំ ពហុំ កុសលច្រើនគឺសត្វដែលកើតហើយគប្បីធ្វើដូច្នោះ, សម្បហំសន សេចក្ដីរីករាយប្រែថា យ៉ាងហ្នឹងហើយ ឧ. ឯវមេតំ ភគវា ឯវមេតំ សុគត បពិត្រព្រះដ៏មានព្រះភាគហេតុនេះយ៉ាងហ្នឹងហើយបពិត្រព្រះសុគតហេតុនេះយ៉ាងហ្នឹងហើយ, ឧបទេស ណែនាំ, ទូន្មានប្រែថា យ៉ាងនេះ ឧ. ឯវំ តេ អភិក្កមិតព្វំ ឯវំ តេ បដិក្កមិតព្វំ អ្នកត្រូវដើរឈានទៅមុខយ៉ាងនេះអ្នកត្រូវដើរឈានថយក្រោយយ៉ាងនេះ, វចនប្បដិគ្គាហ ការទទួលពាក្យប្រែថា អើ, ព្រះករុណា ឧ. ឯវំ ភន្តេតិខោ តេ ភិក្ខុ ភគវតោ បច្ចស្សោសុំ ភិក្ខុទាំងនោះទទួលនៅព្រះបន្ទូលនៃព្រះដ៏មានព្រះភាគថាព្រះករុណាព្រះអង្គ, អវធារណ ប្រែថា មែនពិត ឧ. តំ កឹ មញ្ញថ កាលាមា ។ បេ ។ ឯវំ នោ ឯត្ថ ហោតិ ម្នាលកាលាមទាំងឡាយអ្នកទាំងឡាយសំគាល់នៅហេតុយ៉ាងដូចម្ដេច ។ បេ ។ ហេតុរមែងមិនមានក្នុងរឿងនេះមែនពិត, នោ សព្ទនេះមិនទៀងទេជួនកាលក៏ជាបុរិសសព្វនាមប្រែថា នៃយើងទ. ជួនកាលក៏ជាបដិសេធត្រូវមើលតាមសេចក្ដី, គរហា សេចក្ដីតិះដៀលប្រែថា យ៉ាងហ្នឹង ឧ. ឯវមេវ បនាយំ វសលី យស្មឹ វា តស្មឹ វា តស្ស មុណ្ឌកស្ស សមណស្ស វណ្ណំ ភាសិតរ ក៏ឯបុគ្គលថោកទាបនេះរមែងពោលនូវគុណនៃសមណត្រងោលនោះក្នុងទីណា ឬ ក្នុងទីនោះយ៉ាងហ្នឹងឯង, ឥទំសទ្ទប្រែថា នេះដូច ឥទំសព្ទ, បរិមាណ, បុច្ឆនពាក្យសួរ (ចប់ឯវំសព្ទ) ។ -ភូត គុ. កើតហើយយ៉ាងនេះ, មានយ៉ាងនេះកើតហើយ ។ -វាទីបុំ. អ្នកពោលយ៉ាងនេះ ឬ អ្នកមានកិ.ពោលយ៉ាងនេះជាប្រក្រតី; វិ. ឯវំ វទតីតិ>ឯវវាទី, ឯវំ វទិតុំ សីលមស្សាតិវា>ឯវំវាទី ។ -វិហារី បុំ. អ្នកនៅយ៉ាងនេះ, អ្នកមានកិ.នៅយ៉ាងនេះជាប្រក្រតី; វិ. ឯវំ វិហរិតុំ សីលមស្សាតិ>ឯវំវិហារី ។ យ៉ាងនេះ, ដោយប្រការយ៉ាងនេះ, ដោយប្រការដូច្នេះ, ដោយប្រការៈដូច្នោះ ។
បទានុក្រមធម្មបទ
យ៉ាងនេះ, ដោយប្រការៈយ៉ាងនេះ, ដោយប្រការៈដូច្នេះ, ដោយប្រការដូច្នេះ ។