ឱទុម្ពរ

ចូឡធាតុបច្ចយជោតិកា

ឧទុម្ពរា អស្មិំ បទេសេ សន្តីតិ ឱទុម្ពរោ, តស្ស វិសយេ ទេសេតិ មោគ្គល្លានសុត្តេន ណោ. ឧទុម្ពរស្ស អនុភវំ ឱទុម្ពរំ, វិមានំ, អនុភវេតិ និរុត្តិទីបនីសុត្តេន ណោ. ឧទុម្ពរស្ស អវិទូរេ វិមានំ ឱទុម្ពរំ, តេន រត្តំ ឥច្ចាទិនា សទ្ទនីតិសុត្តេន ណោ. ឧទុម្ពរស្ស វិកតិ ឱទុម្ពរំ, ភស្មា, ឧទុម្ពរស្ស អវយវោ ឱទុម្ពរំ, បណ្ណាទិ, តស្ស វិការាវយវេសូត្យាទិនា ណបច្ចយោ. វិចិត្រា ហិ តទ្ធិតវុត្តិ.