ឱបបាតិក

ចូឡធាតុបច្ចយជោតិកា

ឧបេតេន និព្វត្តំ ឱបបាតិកំ, ឧបបុព្វ - បត បតនេ, ណ្វុ, វុទ្ធាទិនា អស្សិ, ឧស្សោ. ឧបគន្ត្វា បតតីតិ ឧបបាតី, សោឡសស្សុទ្ទេសិកាទិកោ អត្តភាវោ, សោ យេសមត្ថិ, តេ ឱបបាតិកា ព្រហ្មទេវនេរយិកាទយោ, ឧបបាតី, ណិកោ. ឧបបាតោ នេសំ អត្ថីតិ ឱបបាតិកា, វុឌ្ឍិប្បត្តមនុស្សានំ វិយ និព្វត្តមានសត្តានំ អាទិម្ហិយេវ សោឡសវស្សុទ្ទេសិកបញ្ចវីសតិវស្សុទ្ទេសិកាទិភាវេ ន មហន្តា ហុត្វា បាតុភាវា ឧបគន្ត្វា បតន្តីតិ ឧបបាតា, និព្វត្តិក្ខណេ វា មហន្តភាវេន បតន្តិ និព្វត្តន្តិ ឧបបាតា, ឧបបុព្វ - បត គតិម្ហិ, ណ. ឧបបាតាយេវ ឱបបាតិកា, ណិកោ ស្វត្ថោ.